زاكورة نيوز البوابة الأولى للأخبار في زاكورة و في قلب الجنوب الشرقي المغربي
” حاجيتكم ما جيتكم على اللي ساكن في حي الليمون مقابل غير آتاي وكعب الغزال وعاجب حبابو وتشكيل الحكومة ناسيه ، أكيد تتعرفوه، شخص مشهور بالتنكيت والفراجة والضحك في المجالس السياسية اللي مفروض تكون فيها مجالس تطبعها الجدية احتراما للمغاربة أو على الأقل اللي مصوتين عليه.
عينو الملك هاذي 5 شهور بالتمام والكمال، باش يُشكل الحكومة، سيدنا دار اللي عليه واحترم المنهجية الديمقراطية، حيث مباشرة بعد انتخابات السابع من أكتوبر، نادى عليه وقاليه ”توكل على الله”، إلا أنه طلع دون مستوى المسؤولية الملقاة عليه، حين بدأ مشاوراته بمبدأ ” أنا بوحدي اللي مضوي البلاد”، تارة يتهم ” التحكم” بعرقلته ومرة يقول الأشباح، ويلا ما لقا ما يقول يُلقي بالمسؤولية على ظهر التماسيح، وإلا سالاو ليه تيتهم كلشي أنه ضده…
وعوض ما يكون في مستوى المسؤولية، ويفتح نقاشا جديا وحقيقيا من أجل الإسراع بتشكيل الحكومة التي يدفع المغرب والمغاربة ثمنا غاليا لعدم تشكيلها سياسيا واقتصاديا، داير رجل على رجل في منزلو بحي الليمون وضاربها بنعسا وعاطيها غير الحمام ودار لوضو و التنكيت وتعاويد الحجايات وقلت ليه وقاليا، واش تايتسنا الملك يصاوب ليه الحكومة حتى هي…؟
الحاصول المغاربة عياو من هاد الواقع المزري اللي وصلتو ليه أمور السياسة في البلاد في عهد بنكيران.
المهم مابقى مايتقال.. انتهى الكلام
